Кинескиот гигант за електронската трговија Alibaba соопшти дека продажбата на Денот на неврзаните ја поминала вкупната вредност од минатата година и достигнала рекордни 18 милијарди долари, пренесува Reuters.
На Денот на неврзаните, кој пред извесно време беше празник на осамени срца во Кина, се одржа 24-часовен масовен шопинг, што ги надмина продажбите организирани за време на Црниот петок и Сајбер понеделникот што се одржува во САД. Тоа е исто така барометар за ставовите на потрошувачите во Кина.
По настанот со ѕвездите во Шангај, во петокот на почетокот на Денот на неврзаните, кој се одржува секоја година на 11 ноември, обемот на продадените стоки на платформите на Alibaba само за две минути ја надмина цифрата од една милијарда долари и подоцна за малку повеќе од еден час достигна до 10 милијарди долари.
Трговијата ќе биде прекината денес на полноќ. Бруто вредноста на продадената стока го надмина минатогодишниот обем од 17,7 милијарди долари. Малку потоа продажбата ја надмина цифрата од 120.7 милијарди јуани, што е вкупен волумен од 2016 година израен во локалната валута, чиј курс во однос на доларот се зголеми минатата година.
За време на настанот купувачи од цела Кина бараат поволни зделки и ги полнеа онлајн корпите, а добавувачите кои се од крв и месо мора да сработат односно да ги обработат очекуваните 1,5 милијарди пакети, кои треба да бидат испратени во наредните шест дена. „Ова е одличен настан за Кина, за кинеската економија.
„Денот на неврзаните шопинг е спорт, тоа е забава “, рече Џозеф Тсаи, ко-основач на Alibaba и потпретседател на компанијата.
Тој додаде дека зголемениот расположлив приход на повеќе од 300 милиони потрошувачи од средната класа во Кина ја стимулира онлајн продажбата на компанијата.
„Оваа моќна група ја поттикнува потрошувачката во Кина“, рече Цаи. Аналитичари и инвеститори внимателно ќе ја набљудуваат бројката од продажбата, која минатата година се зголеми за речиси една третина во осмото издание на настанот, иако тоа беше помалку во споредба со растот од 60%, регистриран во 2015 година.
За време на гала настанот на Alibaba во петокот основачот и претседател на компанијата Џек Ма ги пречека ѕвездите кои беа гости, меѓу кои актерката Никол Кидман, пејачот Фарел Вилијамс, кинески музичари и филмски ѕвезди.
Побавен раст?
Возбудата од масовниот шопинг сепак ги криеше предизвиците со кои се соочуваат кинеските компании за електронска трговија како Alibaba и JD.com, кои треба да трошат повеќе, за да се натпреваруваат за купувачи во растечката економија која предвидува побавен раст.
„Голем дел од растечките пониски плодови беа ограбени. Исто така има зголемена конкуренција за дел од трошоците на корисниците“, вели Метју Краби, директор на одделот „Студиите“ за азиско-пацифичкиот регион во компанијата Mintel.
Тој верува дека растот на продажбата на Alibaba на декларираните денови ќе се намали за околу 20%.
Компаниите за електронска трговија се принудени да привлечат нови клиенти надвор од интернет просторот и во странство, а целокупниот пазар за онлајн продажба е блиску до точката на заситеноста.
„Тие мора да се преселат од чисто онлајн средина на поширок потрошувачки пазар“, вели Краб. Alibaba соопшти дека претворила 100.000 физички продавници во Кина во паметни продавници за овогодишниот настан.
Стоките кои луѓето ги гледале во продавниците, но потоа ги купувале и ги платиле на платформите на Alibaba, ќе помогнат да се зголеми вкупната бруто вредност на продажбата. Бен Кавендер, претставник на компанијата China Market Research Group, со седиште во Шангај, истакна дека марките се повнимателни со трансакциите кои се нудат оваа година, за да „не ги убијат маргините“ и често сакаат прелиминарни депозити.
Во претходните години, цените често беа преполовени. „Мислам дека цените изгледаат повисоки и сум целосно збунет за правилата“ за отстапки, вели 21-годишната студентка Гао Вантон во Пекинг.
23-годишната гардеробиерка Фу Уенјуе во Шангај вели дека потрошила околу 4.000 јуани (600 долари) за облека, козметика и кујнски прибор при прелиминарните продажби – трансакции пред Денот на неврзаните, кој започна официјално и трае се до полноќ. „Јас веќе купив некои работи, но сè уште не сум направила шопинг“, вели таа.