Министрите за правда од Групата седум индустриски најразвиени држави (Г7) за време на дводневната конференција што се одржа во Венеција.разговараа за употребата на вештачката интелигенција (ВИ) од страна на судските власти на законски прифатлив начин, пренесува ДПА.
Тема на конференцијата, одржана вчера и денеска, беше како да се постават ограничувања за употребата на машинското учење и роботиката. Италија во моментов претседава со Г7. Во објава на платформата Х, италијанскиот министер за правда Карло Нордио ја опиша главната тема како „Борбата против транснационалниот организиран криминал, со фокус на трговијата со дрога и перењето приноси од криминал“.
Освен Италија, Г7 се состои од Канада, Франција, Германија, Јапонија, Обединетото Кралство и САД. На состанокот присуствуваа и претставници на Европската Унија