Актуелно
Почетна / TOP NEWS / Германија денес го презема претседателството со ЕУ

Германија денес го презема претседателството со ЕУ

Денес, по 13-ти пат, Германија ќе го преземе ротирачкото шестмесечно претседателство на Европската унија, а за време на мандатот нејзин приоритет ќе биде борбата против пандемијата на коронавирусот и економското и социјалното закрепнување на Европа.

Германија го презема раководството на Советот на ЕУ од Хрватска, чиј мандат беше, исто така, во голема мерка обележан со пандемија, пренесува Бета.

Од 1 јули, Германија ќе ја формира таканаречената претседателска тројка на ЕУ со Португалија и Словенија, која ќе го преземе претседателството во првата и втората половина на 2021 година.

Уште на почетокот на 2019 година, Берлин, Лисабон и Љубљана се согласија да работат поблиску на поврзување и координирање на нивните ротирачки мандати на чело на ЕУ и усвоија заедничка програма што го покрива периодот од 1 јули 2020 година до 31 декември 2021 година.

Во документот се вели, како една од точките, дека Советот ќе работи со високиот претставник на ЕУ за „да продолжи со процесот на проширување на Западен Балкан“.

loading...