Германија ги поддржува плановите на Европската комисија за формирање на црна листа на даночни оази , којa треба  да биде објавен до крајот на годината, пренесува Дојче веле.

Сепак, Берлин повика на тоа што треба да се направи што е можно побргу – листата што ќе биде усвоена на следниот состанок на министрите за финансии на ЕУ.

Германскиот министер за финансии, Питер Алтмајер, ги повика своите европски колеги да се согласат за сите услови и детали поврзани со објавувањето на листата до следниот состанок на 5-ти декември . Таа има за цел да ги вклучи земјите и териториите каде што не се применуваат основните стандарди за даночна контрола.

Повеќе од 13 милиони документи за 120 политичари од различни земји беа откриени пред јавноста деновиве.

Францускиот министер за финансии Бруно ле Мер предложи Меѓународниот монетарен фонд и Светската банка да прекинат финансиската помош за земјите,кои  одбиваат да соработуваат во борбата против затајувањето на данок.

Според министерот за финансии на Луксембург – Пјер Грам , самото вклучување во црната листа е доволно сурово казнување.

Темата е дискутирано во ЕУ од 2016 година, но разговорите се засилија откако на 5 ноември Меѓународниот конзорциум за новинарски истраги ICIJ ги објави првите податоци од анализата на тајни датотеки наречени “досиеја од рајот”. Во нив беа откриени имињата на високи политичари и бизнисмени, затајувачи за  плаќање даноци преку офшор зони.