Сончањето не помага во лекувањето на Ковид-19, ниту пак ја спречува инфекцијата, објавила една германска агенција во петокот, откако американскиот претседател Доналд Трамп изјавил дека вирусот може брзо да го снема на силното сонце.
Dr. Debbie Birx, White House Coronavirus Response Coordinator speaks as US President Donald Trump (R) and other members of the White House Coronavirus Task Forcee listen at a press conference on COVID-19, known as the coronavirus, in the Rose Garden of the White House in Washington, DC, March 13, 2020. – Trump is declaring coronavirus a national emergency. (Photo by SAUL LOEB / AFP) (Photo by SAUL LOEB/AFP via Getty Images)
„Ултравиолетовото зрачење може да доведе, меѓу другото, до сузбивање на одговорот на имунолошкиот систем“, тведи портпаролката на германското Сојузно биро за заштита од радијација (BfS).
„Болните не смеат да се изложуваат на најсилното сонце, за која и да е болест да станува збор“, додаде портпаролката.
Таа исто така истакна дека прекумерното сончање го зголемува ризикот од рак на кожата и истакна дека нејзината агенција не препорачува „долг, незаштитен престој на сонце“.
Американскиот претседател вчера зборуваше на прес-конференцијата во Белата куќа за потенцијалните идеи за лекување од коронавирусот.
Бил Брајан, шеф на научно-технолошкиот оддел на американското министрство за внатрешна безбедност, ги претстави резултатите од истражувањата на американските научници кои покажуваат меѓу другото дека коронавирусот значително помалку преживува во летни услови при високи температури и влажност на воздухот, како и УВ индексот.
„Се надевам дека луѓето ќе уживаат на сонцето, а доколку тоа ќе има влијание (врз коронавирусот) би било одлично“, рече Трамп.
„Оние кои веруваат дека сончевите зраци може да го убијат вирусот и така да се излекуваат, многу грешат“, објавиле од BfS пред неколку дена, и покрај тоа што многу светски авторитети во вирологијата тврдат дека со зголемувањето на температурите се намалува силата на вирусите, вклучително и на новиот коронавирус.