Британскиот милијардер Ричард Бренсон му честиташе на Џеф Безос на летот денес во вселената, оценувајќи го како импресивен.
„Одлична работа направена од Blue Origin! Џеф, Марк, Вели и Оливер – импресивно! Се најдобро до целата екипа од мене и мојот тим во Вирџин Галактик“, напиша главнит „ривал“ Брансон на Твитер, кој полета во вселената на 11 јули.
Најбогатиот човек на светот денес со својот екипаж изврши успешен лет до работ на вселената.
На бродот со Безос биле братот Марк, авијатичарката Вели Фанк (82) и тинејџерот кој неодамна го завршил средното училиште Оливер Димен (18), како најстара и најмлада личност што стигнала до вселената, пренесува Би-Би-Си.
Вселенската посета на Безос се случи само девет дена откако Брансон полета во вселената со свој ракетен авион.
Well done @blueorigin, @jeffbezos, Mark, Wally and Oliver. Impressive! Very best to all the crew from me and all the team at @virgingalactic
— Richard Branson (@richardbranson) July 20, 2021
Станува збор за жестока конкурентска битка помеѓу компанијата на Безос, „Блу Ориџин“ и онаа на Брансон „Вирџин Галактик“, кои се обидуваат да го искористат потенцијално профитабилниот пазар за вселенски туризам, кој, според проценките на швајцарската банка УБС, ќе вреди околу три милијарди долари годишно.