По премиерата на моделот Tonale, Alfa Romeo забележа драстичен пораст на продажбата од дури 57% во првата половина од оваа година, но не планираат да застанат тука.
Кога италијанската компанија ја објави „предизвикувачката 2023 година“, сите очекуваа нов слаб продажен резултат, но Alfa Romeo забележа раст на продажбата во сите делови на светот.
Најзначајно зголемување на продажбата има во Европа, бидејќи во првата половина на 2023 година се продадени двојно повеќе автомобили отколку во истиот период минатата година. Италијанската марка не објави детални бројки за продажба по модели, но сосема е јасно дека новиот Tonale значително придонел за подемот на Alfa Romeo на европскиот пазар.
Перформансите на Alfa во Кина, која е најголемиот светски автомобилски пазар, секоја година се се подобри, каде Alfa Romeo сака да се позиционира како премиум бренд и да се натпреварува со Mercedes и BMW. Продажбата во Кина се зголеми за 35% во текот на првите шест месеци, а кинеските клиенти со задоволство го купуваат моделот Giulia, кој само во мај забележа пораст на продажбата од 94%.
Во Африка и Блискиот Исток, продажбата на Alfa Romeo скокна за цели 173%, а челниците на италијанската компанија ја посочуваат Турција како најзначаен фактор за овој раст. Перформансите на Alfa во Обединетите Арапски Емирати, клучен пазар за премиум производителите, исто така беа ветувачки, со продажба зголемена за 37%.
Alfa Romeo не ги објави полугодишните продажни резултати на пазарот во САД, каде што брендот се врати пред 6 години по повеќе од две децении егзодус. Сепак, во првиот квартал од оваа година на купувачите им биле испорачани само 2.390 автомобили, што е пад од 27% во однос на истиот период во 2022 година, па се чини дека Америка моментално е единствената слаба точка на италијанската марка.