Најдобрата македонската тенисерка Лина Ѓорческа се пласира во полуфиналето на ИТФ Фјучерс турнирот во Рим кој се игра за награден фонд од 25 илјади американски долари
Ѓорческа која е трета носителка на овој турнир во четвртфиналето експресно за само 57 минути ја совлада чилеанската тенисерка Даниеле Сигел со 2-0 во сетови препуштајќи и само еден гем на противничката.
Првиот сет кој траеше 34 минути нашата тенисерка го доби со 6:1, додека во вториот на противничката Ѓорческа не и дозволи да освои ниту еден гем.
Ѓорческа за место во финалето ќе се бори со Јулија Грабер од Австрија која во четвртфиналето беше подобра во два сета од Присилија Хон од Австралија.
Со овој пласман во полуфинале Ѓорческа ќе го подобри својот ранкинг на ВТА листата на која во моментов е на 181 место што е и нејзин најдобар пласман во кариерата.