СДСМ го обвини градоначалникот на Кисела Вода, Орце Ѓорѓиевски дека се фали со проекти од минатата локална власт.
-Градоначалникот Орце Ѓорѓиевски бидејќи изминува веќе 1 година од неговиот мандат, а нема започнато, ни реализирано, ниту еден сопствен проект пробува да се кити со туѓи перја и да се фали со проекти на претходната локална власт. Го потсетуваме Орце Ѓорѓиевски дека на последните избори тој ја доби довербата од граѓаните да спроведува и реализира проекти кои тој ги вети во сопствената програма, а не да промовира проекти од претходната локална власт и централната власт, порача Бојан Петрески, од општинската организација на СДСМ Кисела Вода.
Тој информира дека новата градинка „Пеперутка 3“ во населба Драчево на вкупна површина од 600 метри квадратни и со капацитет од 120 дечиња е целосно изградена од претходната локална власт во општина Кисела Вода.