177
Скопскиот градоначалник, Петре Шилегов соопшти дека за утре е свикана итна седница на Советот на градот.
„Во координација со сите советнички групи во Град Скопје, за утре свикавме итна седница на Советот на градот, со цел да се донесе одлука за помош на настраданите од земјотресот во Хрватска. Скопје е град на солидарноста. Да помогнеме на нашите пријатели од Загреб и Петриња“, објави Шилегов.
Македонската Влада ќе испрати 100.000 евра помош за Хрватска, по силниот земјотрес од 6,2 степена што денеска ја погоди земјата, беше соопштено вечерва после последната владина седница.
Најпогоден во силниот земјотрес е градот Петриња, на 45 километри југоисточно од Загреб, каде засега има регистрирано загинато едно 13-годишно девојче и десетици повредени, а градот е во урнатини. Во тек се акциите за спасување и проценка на штетата.
Нема информации за повредени македонски државјани, a Министерствата за надворешни работи при двете земји се во постојана комуникација.