77
Австриецот Марсел Хиршер е победник на денешниот јубилеен, 10. слалом за Светскиот куп на хрватско Сљеме.
Хиршер по петти пат славеше на Сљеме, каде беше најбрз и во 2012, 2013, 2015 и 2018 година.
Тој до 64. победа во Светскиот куп стигна по одличното второ возење, со време од 1:48,64.
Второто место го зазеде Французинот, Алексис Пентиро кој зад победникот заостана 0,60 секунди.
Трет беше Австриецот Мануел Фелер (1:49,26).
Во генералниот пласман на Светскиот куп, Хиршер е прв со 756 бодови, Норвежанецот Хенрик Кристоферсен е втор со 421, додека Австриевот Макс Франц е трет со 408 бодови.