Се покажа како ефикасна стратегија на Балканот. Превод, толкување и имплементација. Ете Албанците во Македонија извојуваа многу повеќе, на тој принцип, победи, многу повеќе отколку „терористите на ОНА и Ахмети заедно со косоварите“. Така тераат: пишува вака, а значи ова; се вработија без квалификации, земаат државна плата без работа, по етнички клуч го поделија колачот од институциите на државата, од општините до бизнисите, сè тоа и сè така со слободно толкување на Охридскиот рамковен договор. Тоа што се потпишуваше како рамка во Охрид, за тоа што се пењавеа домашните и странските експерти, за секоја запирка, испадна дека може да се игра и надгради, смени, дополни и да претече од рамката со преводот . Тоа функционира и ден денес. Се делат тендери рамковно, се завршува факултет, се спие буквално во институциите на локално и владино ниво, се гласа, се прегласува се преговара и се прават сојузи- сè по слободната интерпретација на Договорот од Охрид.
Сега на ред е да профункционира и Договорот од Пржино. А зошто па не на ист принцип? Тоа помина кај странците, тоа го дозволија. Тоа е воспоставена пракса. Нешто слично како што СДСМ се надеваат дека ќе го затворат Груевски, ќе го осудат, а не сакат да се сетат дека Глигоров го заштити Бранко, Борис ја помилува Доста, Бранко го аболицираше Заев, а замисли, Иванов нема да го помилува Груевски !?
Така и со праксата со договорот од Охрид, а ќе биде и со Пржино. Тоа го знаат сите, и ВМРО ДПМНЕ, а треба да го знаат и СДСМ. Нема чесни намери и правда во политичката борба и опстојба, особено не на Блакнаот и во нашата проевропска Македонија .
Треба да се остане -дојде на власт. Да не се лажеме, тоа е целта. Најголемиот адут за тоа да се добие во овој момент се „бомбите“, и пресудата по нивната суштина. Токму поради тоа политичките партии на власта, се на „добар пат“ да го урнат договорот од Пржино, демек со специјалната обвинителка, демек дијаспората демек, свиркачи и законот за влада… Причина е само крадење на просторот до изборите и дрпање за правилата на игра.
И сега тоа оди некако вака
Од ВМРО-ДПМНЕ бараат со законот за мораториум за „бомбите“ да бидат опфатени сите прислушувани материјали и инсистираат на затворски казни за претставници на медиумите што ќе ги објават. Од СДСМ, пак, се против ваквиот предлог и се залагаат за промена само во Кривичниот законик, каде би се зголемиле казните за поседување на прислушуваните материјали.
Посредникот во преговорите Питер ван Хојте изјави дека тој закон мора да биде направен според европските стандарди.
– Законот за „бомбите“ треба да биде во согласност со меѓународните и со европските стандарди, а тоа е најважно во моментов. Можете да правите легислатива само ако имате амбиција еден ден да станете земја-членка на ЕУ и вашата легислатива треба да биде во согласност со европските стандарди. Како ќе изгледа законот, допрва ќе видиме, работните групи тоа треба да го одлучат – рече олеснувачот.
Од ВМРО-ДПМНЕ инсистираат министрите што ќе влезат во новата влада, според Договорот од Пржино, да бидат само технички лица, без поголеми овластувања и ингеренции. СДСМ се залага тие да имаат овластувања како и сите министри во владата.
Исто така, од владејачката партија сакаат замениците-министри да имаат право на вето за сите прашања, додека СДСМ остануваат на ставот право на вето замениците-министри да имаат само за прашања поврзани со изборите.
И.Т.Н.
Овие „спорни прашања“ произлегуваат, намерното различното толкување на Договорот од Пржино. А еве што точно тој предвидува на македонски јазик (во преводот на Македонскиот центар за европско образование – МЦЕО)пренесено од META :
Точка 6, став 1:
На 20 октомври 2015, нов министер за внатрешни работи ќе биде именуван на предлог од СДСМ, а по спроведени консултации со ВМРО-ДПМНЕ и со ДУИ. Министерот кој ќе биде именуван ќе ја врши функцијата како техничко лице (функционер).
И на англиски јазик:
On 20 October 2015, a new Minister of Interior shall be appointed upon nomination by SDSM and after consultation with VMRO-DPMNE and DUI. This Minister shall be a technical appointment.
Во врска со прислушуваните материјали на македонски јазик (исто според МЦЕО) стои:
Објавувањето на дополнителни материјали од прислушувањето ќе запре. По враќањето на СДСМ во Собранието, сите материјали што ги поседува СДСМ или кој било друг чинител ќе бидат предадени на јавниот обвинител за негово итно постапување.
И на англиски:
With immediate effect there shall be no futher publication of any wiretap material. Upon the SDSM’s return to parliament, all of the material in possession the SDSM or any other actor will be handed over to the publik prosecutor for immediate action.
Неспорно е дека двете страни сакаат избори, ама власта по свои правила, а опозицијата по универзални европски стандарди, и особено не по правилата на власта која ги добива 10 години наназад.За избори се и странците и Брисел и Вашингтон, ама тие предупредуваат дека одоговлекувањето не и одговара на опозицијата , роковите се издувани и ако се сака ФЕР ИЗБОРИ, треба и ФЕР ПРАВИЛА. Никола Груевски сега целата следна кампања ќе ја пресвича со наслов „ Ајде на избори, народот ќе каже кој е кој “,„ СДСМ бега од соочување со народот“ ама ќе го премолчи фактот дека всушност власта бега и одоголвекува и сака да не се сменат правилата и сè да си оди по старо. Груевски тера како што нему му одговара и сака и прифаќа толку промени и примена на договорот од Пржино само за неговите потреби и толку колку да може да биде сигурен во победата. СДСМ ја сфаќа играта, но е немоќен било што да смени, барем не вака по „шведски пристап“, па се враќа на радикализацијата како опција со предупредување за нови бомби .
Странците и Ван Хојте и амбасадорите предупредуваат на безбедноста, но не бегаат и од таа опција и меѓу редови велат, „ОК, ова е ваша земја и тоа што нема да ве урне може да ве натера да израснете, и да ја минете и таа фаза“?
И сега се на ред јунаците и патриотите. На ред е народот на ВМРО-ДПМНЕ со патриотизмот на четирите букви и со гнев, и народот на СДСМ со револт, правдините и неизвесноста да се пука или не. А, граѓаните, да тие имаат и став ама имаат и страв и дилеми, да станат мигранти или заложници, или да го изгаснат телевизорот и да видат што се случува на улицата лево и десно на плоштадот Македонија.
Ад
П.С.
Оригиналните документи на англиски јазик можете да ги најдете преку напис на ЕУ комесарот Хан, објавен по потпишувањето на договорот, односно преку следните линкови, објавени од Европската комисија:
- 2 June Agreement and Annex to the agreement
- Urgent reform priorities for the former Yugoslav Republic of Macedonia
- Recommendations of the Senior Experts’ Group on systemic Rule of Law issues relating to the communications interception revealed in Spring 2015 (Priebe report)
- Agreement in Skopje of 15 July to overcome political crisis
- Statement by Commissioner Hahn and MEPs Vajgl, Howitt and Kukan: Agreement in Skopje to overcome political crisis
- Video: Statement by Commissioner Hahn at press point following agreement on 15 July in Skopje:europa.eu/!Yn68Vv@EC_AVService
Целиот текст од Договорот на македонски јазик можете да го видите тука.
Целиот текст од Договорот на англиски јазик можете да го видите тука.
Целиот текст од Договорот на албански јазик можете да го видите тука.