Оддавањето почит на кралицата Елизабета Втора во Вестминстерската сала, за жал, не помина без инциденти.
Имено, непознат маж ги вознемирил сите насобрани и ожалостени лица кога дошол до ковчегот на кралицата преку линијата и се обидел да го зграби, пишува „Дејли Мејл“.
Тој успеал да го фати официјалното знаме на кралицата на ковчегот, по што веднаш бил отстранет од просторот и соборен на земја од обезбедувањето.
Man arrested for attempting to grab Queen’s coffin at Westminster Hall. Police were quick to stop the man is now in custody. #QueenElizabeth #funeral #RoyalFamily pic.twitter.com/8X46K4iX0m
— Celebravious (@SteveMcMillen5) September 17, 2022
Еден од сведоците рече: „Го видовме во редот и цел ден беше сам. Кога влеговме во салата, бевме на врвот од скалите кога го видовме инцидентот. Една жена врескаше кога тоа се случи, што беше доста вознемирувачко“.
Полицијата веднаш го привела мажот, а против него ќе биде поднесена тужба.