Огромната акумулација на апликациите за дозволи за престој за граѓаните на земјите кои не се членки на ЕУ, кои вложуваат најмалку 250.000 евра во грчки имот, ја натера државата да ги децентрализира надлежностите за нејзино издавање, објави  Ta Nea.

 

Грчката програма “Златна виза” е критикувана од ЕУ, но властите во Атина не размислуваат да го прекинат како извор на свеж капитал.

Министерството за миграциона политика издаде одлука на почетокот на април за одобрување на поднесување на пријави до било кое децентрализирано тело во Грција, не само во областа каде што се наоѓа имотот.

Зголемен интерес за недвижен имот, освен во Атика, е забележан и кај Патра, Ханија, Ламија, Лариса, па дури и во Солун.