Се истражуваа повеќе линии, Бугарска врска, Братиславска врска, а најмалку  се истражуваше српската врска за која до ден денешен ,дел од експертите упатуваат дека може да има врска со нарачката на атентатот. Тоа беше време на осамостојување на МАКЕДОНИЈА, распад на СФРЈ, политичко партиски  плурализам и време на растежот на организираниот криминал во кој се вклучија добар дел од лидерството на политичката елита на Македонија.

Пред  23 години на 3 октомври беше извршен атентат врз првиот претседател на Република Македонија Киро Глигоров, кој го преживеа со тешки повреди во главата. На местото на атентатот загина неговиот возач Александар Спировски, а беше повреден телохранителот на Глигоров, Илчо Теовски. Како последица од повредите почина и случајниот минувач Христо Христоманов, а беа повредени и Климе Коробар и Јован Атанасовски.

Останува непознато кој стоел зад атентатот. Истражната постапка која се води против непознат сторител се уште е отворена. Истрагата утврди дека атентатот бил добро подготвен и организиран и оти само среќна околност е што претседателот Глигоров го преживеа атентатот.

Нападот беше извршен со автомобил-бомба на 3 октомври 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието на Република Македонија.

Во автомобил „цитроен ами 8“ биле скриени 20 килограми експлозив, кој бил активиран со далечински управувач кога возилото на Глигоров се движеше кон зградата на Собранието. Пред експлозијата службеното возило на претседателот на улицата „Македонија“ го забавило едно „фиќо“.

Во истрагата биле претресени 30.850 возила и прегледани повеќе од 15.000 објекти, легитимирани биле повеќе од 188.000 лица, од кои 19.000 биле претресени. МВР извршило и повеќе информативни разговори со луѓе за кои сметало дека се можни сторители на атентатот, но сите тие биле пуштени по испрашувањата.

Се истражуваа повеќе линии, Бугарска врска, Братиславска врска, а најмалку  се истражуваше српската врска за која до ден денешен ,дел од експертите упатуваат дека може да има врска со нарачката на атентатот. Тоа беше време на осамостојување на МАКЕДОНИЈА, распад н СФРЈ, политичко партиски  плурализам и време на растежот на организираниот криминал во кој се вклучија добар дел од лидерството на политичката елита на Македонија.

Киро Глигоров го преживеа атентатот , остана како еден од политичките бардови на Балканот и екс југословенските простори и  респектиран политичар од европската политичка елита .Почина на 1 јануари 2012 година на 94 годишна возраст.