Италија ќе ја пречека Македонија на стадионот на Палермо

Фудбалската федерација на Италија потврди дека натпреварот од баражот за пласман на Светското првенство во Катар против селекцијата на Македонија ќе се одигра на стадионот Ренцо Барбера во Палермо.

Палермо и Болоња беа во игра, а на крајот како и што се најавуваше дека Палермо е фаворит, овој град го доби бараж натпреварот.

Капацитетот на стадионот во Палермо е 36.365 гледачи, изграден е во 1932 година, а целосно реконструиран во 1989.

Средбата ќе се игра на 24 март со почеток од 20:45 часот.

Победникот од овој бараж дуел ќе оди на гости кај подобриот од Португалија или Турција.