Ги повикувам сите да се вакцинираат, но не може власта да воведува мерки со кои го ограничува правото на избор, не може да воведуваат мерки со кои го дели народот, вели Иван Јорданов, пратеник од ВМРО-ДПМНЕ на гостувањето во емисијата „Стадион“ на радио Канал 77.
Јорданов вели дека треба да има стимулативни мерки за вакцинација, а не да се прави тоа со принуда.
„Ако не знае власта што треба да се имплементира нека види што прават другите. Ако сакаме да се грижиме за здравјето за нашите граѓани тоа треба да го направиме на друг начин, да направиме подобро здравство“, вели Јорданов.
Дебатирајќи во емисијата со градоначалникот на Штип, Сашко Николов, Јорданов јасно му посочи:
„Вие повикувате на масовна вакцинација, а не направивте основни услови во здравството, ниту ја има новата кличиничка болница во Штип, ниту модуларната е целосно опрема“.