Европската демократија е загрозена, треба да им се предадат повеќе овластувања на националните органи на власта и да се извршат реформи, за да се избегне колапсот на ЕУ. Ова го изјави лидерот на владеачката во Полска партија “Закон и правда” (ЗиС) Јарослав Качински во интервју за германскиот весник “Велт”, објавено денеска.
“Европа се соочи со значителни проблеми. Политичката коректност ја ограничува нашата слобода на изразување, слободата на вероисповеста, слобода да се одржува дискусија и да се донесуваат одлуки. Ние сме сведоци како се ликвидира демократијата. Ние сме оние кои во Полска и во Европа се бранат од овој феномен, токму заради тоа јас разговарав со Виктор Орбан за контрареволуција “, истакна Качински. Во одговор на прашањето што сака да постигне со таква контрареволуција, политичарот рече дека Европејците “треба да се вратат на концептот на националните држави”. “Културното обединување на Европа би станало опаснен развој на настаните, бидејќи ќе значи деградација”, смета лидерот на ЗиС. Заедно со тоа Качински изрази загриженост од зголемувањето на популарноста на десно-популистичките партии во ЕУ и истакна дека не е подготвен да прогнозира како ќе изгледа ЕУ по неколку години. “Или не ќе оствариме реформите во ЕУ, или тоа ќе претрпи крах”, убеден е политичарот. / ТАСС