„Со факти и документи покажавме дека ВМРО-ДПМНЕ е партијата на паразити, на луѓе кои додека граѓаните осиромашувале тие земале огромни народни пари, месечно и годишно. Не биле само спомениците туку и огромните платите на функционерите на ВМРО-ДПМНЕ и нивните бизнис зделки во тоа време биле врз грбот на народот“, вели денеска на прес Дарко Каевски, портпарол на СДСМ.
„Покажавме дека повеќе од 93.000 евра пари од граѓаните завршиле кај Мицкоски во тој период на ВМРО-ДПМНЕ а кај Гордана Кочоска Димитриевска над 67.000 евра. Денеска ќе покажеме уште еден паразит на ВМРО-ДПМНЕ.
Ивица Томовски, човекот што секој ден од белиот дворец, од симболот на криминалот и корупцијата, зборува за паразити и самиот е паразит на ВМРО-ДПМНЕ кој земал огромни пари од граѓаните во време на ВМРО-ДПМНЕ.
Со потпис на Христијан Мицкоски, Ивица Томоцски од ВМРО-ДПМНЕ бил избран за Управител на ЕЛЕМ Турс ДООЕЛ Скопје во 2017 година. Ова е тој документ.
Само од плати Томовски добивал над 30.000 евра.
Но тоа не е се. Токму Томовски пред да биде избран од Мицкоски за Управител на ЕЛЕМ Турс добивал тендери токму од ЕЛЕМ за чистење на деловните простории преку приватна фирма Сити логистик.
Еве го тој Договор, вреден 2 милиони и 600 илјади денари или 42.000 евра, во име на Сити Логистик е потпишан како управител Томовски.
А чив потпис е од другата страна – се разбира на Христијан Мицкоски како директор на ЕЛЕМ
Ова е уште Договор за уште еден тендер вреден околу 1 милион денари или 16.000 евра.
Само од овие два тендери Томовски добил речиси 60.000 евра!“, истакна Каевски.