Како да не го сакаш летото? Сончевите зраци ги галат телата, давајќи им егзотичен тен, косите се постојано совршено лежерни, а работните обврски се многу, многу далеку.
Се зголемува расположението за забава и бескрајни летни денови, придружени само и единствено од бела кошула и плетена торба за на плажа.
Паралелно со ова, сепак, температурите скокаат и пред да сме се наспале, веќе ни е топло.
За да не страда кожата од тоа, ви претставуваме неколку лесни начини со кои ќе бидеме убави и низ остатокот од летото.
Дури и одморот веќе да е завршен.
1. Користете сув шампон навечер
Сувиот шампон може да е од витално значење и спасител во секое време од годината, но го цениме вистински во моментот, во кој се соочуваме со летните месеци. Ако нема да имате време да ја измиете косата наутро, ставете мала количина сув шампон пред да си легнете. Производот има уште подобар ефект ако го оставите да отстои за повеќе време, бидејќи така апсорбира многу повеќе масти и пот.
2. Запрете го падот на бојата од косата со оцет
Секоја боја на коса, кој не е природна, може да биде уништена од солта во морето и силните сончеви зраци. Можете да ја заштитите косата со оцет, разредена на половина со вода. Нанесете по должината на целата коса и ќе ја задржите бојата многу подолго.
3. Инвестирајте во водоотпорна козметика
Без разлика дали планирате да се нурнете во морските бранови, можноста да се растече маскарата ви е многу голема, дури и само затоа што сте се испотиле. Водоотпорните производи се малку поскапи, но тоа е единственото решение, ако сакате да користите шминка на плажа.
4. Чувајте лак во фрижидер
Кога лакот за нокти ќе се загрее, тој ја менува конзистенцијата и можно е да се формираат меурчиња, кои ќе го уништат вашиот маникир. За да не се уништи вашата омилена боја, најдобро чувајте го во фрижидер од време навреме.
5. Скротете ги испакнатите влакна со кокосово масло
Поради влажноста на морските летувалишта, влакненцата кои штрчат моментално се зголемуваат значително. Измешајте еднакви делови кокосово масло и масло од авокадо во шише со спреј. Вбризгувајте мала количина во косата и повторно ќе се радувате на мазна фризура.