Канадската провинција Квебек работи на план кој ќе бара жителите кои одбиваат да се вакцинираат против КОВИД од немедицински причини да дадат „здравствен придонес“ или некој вид данок, изјави во вторникот премиерот на Квебек – Франсоа Лего.
Болниците во Квебек се под притисок откако високо заразната варијанта „омикрон“ на Ковид-19 почна да прима повеќе пациенти и повеќе здравствени работници се разболеа.
„Вакцината е клучна за борба против вирусот. Затоа бараме здравствен придонес на возрасните кои одбиваат да се вакцинираат од немедицински причини“, им рече Лего на новинарите на брифингот.
„Треба да ги фокусираме нашите напори на две работи: примање на првата, втората и третата доза од вакцината и намалување на контактот, особено со постарите лица“.
Лего рече дека невакцинираните луѓе им ставаат финансиски товар на вакцинираните жители. Покрај тоа што работи на финализирање на сумата што треба да се наплати, покраината работи и на правниот аспект на таквата такса, рече тој.
Додека владите воведоа ограничувања за движењето на невакцинираните на глобално ниво, а малкумина воведоа казни за постарите лица, данокот што сите невакцинирани возрасни би морале да го платат може да биде редок и контроверзен потег.
Лего рече дека иако има околу 10 отсто невакцинирани луѓе во покраината, тие сочинуваат 50 отсто од оние кои се во единиците за интензивна нега.
„Луѓето кои не можат да се вакцинираат од медицински причини ќе бидат изземени според предлогот“, рече Лего.