Кирацовски: Да беше обратна ситуацијата, ќе снимавте филмови со Боки наместо да одговара

Оној криминалец со кој сите се сликавте избега во Будимпешта, рече пратеникот од СДСМ, Александар Кирацовски, кој посочи дека ова е последната борба со мафијата.

„Боки со кој се сликавме ние е на суд. Ниту Заев, ниту никој друг не се јави да ургира за него. Да беше обратна ситуацијата, тој немаше да заврши така, ниту пак 1ТВ, која е евидентно дека не работела како што треба, ќе беше затворена, ќе снимавте филмови со Боки“, рече Кирацовски.

Тој повика да се гласа за Законот и да се расчисти со криминалот во земјата. За збор се јави пратеникот Никола Мицевски од опозицијата, кој побара извештај на кој начин ја напуштил земјата експремиерот Никола Груевски.

А.Т.