Како и на повеќето големи спортски турнири, претстојното Европско првенство ќе биде сцена на битка помеѓу два гиганти и ривали во производството на спортска опрема: Најк и Адидас.
Од 24 учесници на европскиот фудбалски фестивал, Најк и Адидас се технички спонзори на дури 17. Американската компанија прави дресови за девет репрезентации, а германската за осум.
Нашата фудбалска репрезентација има договор со германската компанија „Јако“ и според објавените информации, таа плаќа 500.000 евра на годишно ниво, за да биде технички спонзор. Со ова Македонија е на последното место на објавената листа, во поглед на заработка.
Најмногу заработуваат Германците. Адидас им плаќа дури 65 000 000 евра годишно, за изработка на спортска опрема. Најк му плаќа на Фудбалскиот сојуз на Франција 50 000 000 евра годишно, а на Англија 40 000 000 евра годишно. На четврто место е договорот што Пума го има со Италија и вреди 30.000.000 евра годишно.
Листата продолжува вака:
5. Шпанија (Адидас) – 18.500.000 евра годишно
6. Русија (Адидас) – 13 000 000
7. Холандија (Најк) – 11.000.000
8. Португалија (Најк) – 7.500.000
9. Турција (Најк) – 3.850.000
10. Белгија (Адидас) – 3.000.000
11. Полска (Најк) – 3.000.000
12. Шкотска (Адидас) – 2.900.000
13. Чешка (Пума) – 2.500.000
14. Шведска (Адидас) – 2.000.000
15. Хрватска (Најк) – 2.000.000
16. Швајцарија (Пума) – 2.000.000
17. Данска (Хумел) – 2.000.000
18. Велс (Адидас) – 1.500.000
19. Украина (Јома) – 1.500.000
20. Австрија (Пума) – 1.300.000
21. Финска (Најк) – 1.000.000
22. Словачка (Најк) – 1.000.000
23. Унгарија (Адидас) – 1.000.000
24. Македонија (Јако) – 500.000