Претставничкиот дом на американскиот Конгрес усвои амандман на одбранбениот буџет кој им забранува на граѓаните и организациите на САД да се вклучат во трансакции со државен долг во Русија , објави Слободна Европа.
Според амандманот поднесен од демократот Бред Шерман – конгресмен од Калифорнија, во 90-дневниот период по влегувањето на законот во сила претседателот Доналд Трамп треба да издаде забрана за американските граѓани да вршат какви и да се операции со рускиот државен долг, чиј рок за отплата е поголем од 14 дена.
Може да се отповика доколку Специјалните служби сметаат дека немало мешање на Русија во американскиот политички живот за време на еден изборен циклус, а оваа проценка е прифатена од Конгресот.
Предлог-законот треба да се гласа во Сенатот, каде што републиканците имаат мнозинство.