Американски и британски истражувачи идентификувале стотици мутации на вирусот кој ја предизвикува болеста Ковид-19.
Но, никој сè уште не утврдил што тоа значи за ширењето на вирусот меѓу популацијата и колку ефикасна може да биде вакцината.
Вирусите мутираат – тоа е нивна работа, но прашањето е – која од овие мутации всушност ја менува тежината или заразата на болеста на кој било начин?
Прелиминарните истражувања од САД сугерираат дека една посебна мутација – D614G – станува доминантна и може да ја направи болеста позаразна, а можеби и потешка.
Но, другите научници сè уште не ја разгледале и официјално објавиле.
Истражувачите, од Националната лабораторија Лос Аламос во Ново Мексико, ги проследија промените во „врвот“ на вирусот, што му дава својствен облик, користејќи ја базата на податоци наречена Глобална иницијатива за споделување на сите податоци за грип (ГИСАИД).
Тие забележуваат дека се чини дека има нешто во оваа конкретна мутација што го прави побрзо да расте – но последиците сè уште не се јасни.
Истражувачкиот тим анализирал податоци на пациенти заразени со коронавирусот во Шефилд, Велика Британија.
Иако откриле дека лицата со таа одредена мутација на вирусот имаат поголема количина на вирус во тестираните примероци, тие не пронашле јасен доказ дека овие луѓе се разболеле или подолго останувале во болницата.
„Мутациите не се лоши“
Друга студија на Универзитетскиот колеџ во Лондон (UCL) идентификувала 198 повторливи мутации на вирусот.
Еден од авторите, професорот Франсано Балу, вели дека мутациите во вирусот не се ниту добри ниту лоши сами по себе.
„Мутациите само по себе не се лоша работа и нема што да сугерира дека САРС-КоВ-2 мутира побрзо или побавно од очекуваното.
„Засега не можеме да кажеме дали овој вид на вирус станува се повеќе или помалку смртоносен и заразен“, истакнува Балу.
Студијата од Универзитетот во Глазгов, која исто така анализирала мутации, вели дека овие промени не претставуваат различни видови на вирусот.
Заклучиле дека само еден вид вирус циркулира.
Следењето на малиtте промени во структурата на вирусот е важно за разбирање и развојот на вакцини.
На пример, вирусот на грип толку брзо мутира што вакцината мора секоја година да се прилагоди за да се справи со специфичниот вид на циркулација.
Развој на лекови
Многу од вакцините против Ковид-19 во моментов целат кон карактеристичните врвои на вирусот – идејата е дека вашето тело ќе го препознае уникатниот елемент на клинот и ќе помогне да истрае во борбата против целиот вирус.
Но, ако се промени тој врв, вакцината развиена на овој начин може да стане помалку ефикасна.
Во моментов, сето ова е теоретски.
Научниците сè уште немаат доволно информации за да кажат што ќе значат промените во геномот на вирусот.
Д-р Луси ван Дорп, коавтор на студијата за UCL, вели дека можноста за анализирање на голем број вирусни геноми може да биде „непроценлива за развојот на лекови“.
„Сакам геноми, само толку можам да кажам“, додаде таа во изјавата за Би-Би-Си.