Српскиот претседател Александар Вучиќ го коментира предлогот на последниот југословенски претседател и поранешен српски премиер Воислав Коштуница дека статусот на Косово и Метохија може да се реши според моделот на Хонг Конг .
„Имам голема почит кон нашите претседатели – Борис Тадиќ, Воислав Коштуница и Томислав Николиќ. Имам прашање за вас – што точно значи ова – модел на Хонг Конг? Кој ќе го прифати ова од Албанците кои прогласија независност за време на вашиот мандат и на Тадиќ? Зошто тогаш не го прифативте “, праша Вучиќ за време на прес-конференцијата, пренесуваат српските медиуми.
Тој додаде иронично: „Одлична идеја. Iќе ја искористам“.
Тој понатаму коментираше дека слушнал „други смешни идеи“, како на пример прифаќање дека Албанците се лекуваат во српските болници: „Па, еве, нашите болници се полни со Албанци“.
„Бидејќи не можам да го применам моделот на Хонг Конг за Косово, ќе поднесам оставка утре, само дајте ми уверување дека ќе можете вие да го сторите тоа“, истакна Вучиќ.
Потсетуваме дека Хонг Конг е полу-автономен регион во рамките на Кина. Протестите што се одржуваат во Хонг Конг веќе некое време се и против наметнување на авторитарна влада слична на онаа во Кина.