Министерството за здравство денеска информираше дека се потврдени нови 175 случаи на коронавирус во Македонија.
Согласно објавените податоци, најголем дел од случаите се од Скопје 131. Следуваат Куманово-24, Штип-2, Прилеп-2, Тетово-5, Струга-2, Велес-4, Охрид-1, Гостивар-2, Свети Николе-2.
Во изминатото деноноќие регистрирани се и пет смртни случаи и 18 оздравени пациенти.Најголем број од новозаразените 14, повторно се од Чаир.
Во Чаир е најголема и вкупната бројка на заразени 209, по што следат Бутел со 76, Аеродром и Гази Баба со по 75, Центар со 73, Карпош со 72, Сарај 64, Кисела Вода 43, Ѓорче Петров 35, Шуто Оризари 26 и Студеничани и Арачиново со по 24 заразени. Илинден има вкупно 19 заразени со КОВИД-19, Петровец шест, Чучер Сандево четири, Сопиште два, а двајца од заразените се странци.