Кремљ најави нови безбедносни мерки по нападот на мостот на Крим

Русија се уште се обидува да процени како ќе одговори на вчерашниот напад на Кримскиот мост, изјави денеска портпаролот на рускиот претседател Владимир Путин.

Портпаролот на Кремљ, Дмитриј Песков, изјави дека „се разработуваат засилени безбедносни мерки“ по инцидентот на речиси 20 километри долгиот премин, кој го поврзува окупираниот полуостров Крим со копнена Русија.

„Се разбира, тие се разработуваат“, им рече Песков на новинарите, кога беше прашан дали претседателот Владимир Путин веќе добил предлози за рускиот одговор и зајакнувањето на безбедноста на мостот.