Кристен Стујарт се бори со морско чудовиште во трејлерот за „Underwater“

Вампири, духови и сега морско чудовиште? Изгледа дека не постои чудовиште против кое актерката Кристен Стујарт не може да се бори. Во најновиот филм „Underwater“ таа е соочена со нова опасност, овој пат на дното на океан.

Дејството во филмот е околу група научници кои се наоѓаат на дното на океанот и преживуваат земјотрес во кој нивната лабораторија е уништена. По излегувањето од неа се соочуваат со нова опасност, морско чудовиште.

Филмот е во режија на Вилијам Јубенк, а во главните улоги, покрај Стујарт, се појавуваат Винсен Касел, Џесика Хенвик и Џон Галагер Џуниор.

Премиерата е закажана за 10 јануари 2020 година.