Специјалниот пратеник на ЕУ за дијалог меѓу Белград и Приштина, Мирослав Лајчак, кој престојува во Северна Македонија каде што учествува на форумот за дијалог во Преспа, денеска соопшти дека разговарал за актуелните настани во регионот, особено меѓу Белград и Приштина.
„Со партнерите, колегите и пријателите разговарав за актуелните настани во регионот, особено меѓу Косово и Србија“, наведе Лајчак на Твитер.
Тој додаде дека на форумот за дијалог во Преспа разговарале за тоа што е потребно за помирување на Западен Балкан.
At @PrespaForum we discussed the ingredients for reconciliation in the Western Balkans. I stressed that we need to overcome the legacy past, seek dialogue, focus on the common 🇪🇺 future, be courageous and have a vision for the entire region. pic.twitter.com/PiJKd3DEQb
— Miroslav Lajčák (@MiroslavLajcak) June 16, 2023
„Нагласив дека треба да го надминеме наследството од минатото, да се стремиме кон дијалог, да се фокусираме на заедничката иднина во ЕУ, да бидеме храбри и да имаме визија за целиот регион“, рече Лајчак.
Тој додаде дека во Струга, каде што се одржува форумот, се сретнал и со претседателот на Црна Гора, Јаков Милатовиќ.
„Ја поздравив неговата посветеност на европскиот пат на Црна Гора и со нетрпение очекувам да работиме заедно за тоа да стане реалност“, заклучи Лајчак.