Западот и Украина се обидуваат да ја префрлат вината од себе и да ја обвинат Москва дека „извезува глад“, изјави рускиот министер за надворешни работи Сергеј Лавров во текст за африканските медиуми, објавен денеска на веб-страницата на Министерството за надворешни работи на Русија.
„Би сакал да истакнам дека пропагандните тврдења на Западот и Украина дека Русија извезува глад се целосно неосновани. Всушност, тоа е уште еден обид да се префрли вината“, истакна Лавров, пренесува ТАСС.
Според рускиот министер за надворешни работи, откако пандемијата на коронавирусот ја предизвика кризата, „колективниот Запад ја зголеми емисијата на пари за да привлече стоки и текови на храна, што ја влоши ситуацијата во земјите во развој кои зависат од увоз на храна“.