Лејди Гага со потресна исповед: „Ме силуваше продуцентот, а потоа забременив!“

од Vladimir Zorba

Познатата пејачка Лејди Гага (35), чие вистинско име е Стефани Германота, се присети на хоророт што го преживеала кога имала само 19 години и кога била на самиот почеток на нејзината кариера, доживувајќи музички продуцент, чие име не сака да го открие, да ја силува, по што останала бремена.

Најновите детали за хоророт, за кои зборуваше и претходно, ги презентираше како гостин во емисијата „The Me You Can’t See“ на Епл ТВ +, зад која заедно со американската водителка Опра Винфри стои британскиот принц Хари, чиј концепт е дизајниран така што светските славни личности ги откриваат своите психолошки тешкотии и борби во текот на нивните животи.

– Имав само 19 години и полека станував дел од бизнисот, а потоа продуцентот дојде еден ден и само ми рече: „Соблечи се“. Реков „не“ и заминав, но тој постојано ми се закануваше и ми велеше дека ќе ја уништи целата моја музика, сè за што сум работела дотогаш. Не запре и во една прилика само замрзнав. Не се ни сеќавам на продолжението – Гага го започна признанието, а потоа се расплака.

Претходно, таа откри дека поради тоа ужасно искуство, добила посттрауматски стрес, за кој станала свесна само неколку години подоцна откако посетила болница.

– Одеднаш почувствував дека ме обзема болка и почнав да ја губам свеста. Оттогаш бев болна со недели и дури тогаш сфатив дека тоа е истата болка што ја чувствував кога лицето што ме силуваше ме исфрли од автомобилот бремена на тротоарот пред куќата на моите родители затоа што ми се лошеше и повраќав. Бев заклучена во студио со месеци – низ солзи изјави повеќекратната добитничка на музичките награди, тврдејќи дека доживеала нервен слом години по искуството.

Претходно, Гага откри дека силувањето што го преживеала го криелаод сите седум години.

– Јас воопшто не знаев како да размислувам за тоа, не знаев како да го прифатам тоа, не знаев ниту дали треба да се обвинувам себеси или некој друг. Тоа беше нешто што целосно го промени мојот живот, ме промени мене, моето тело, мојот начин на размислување – истакна Гага претходно во интервју за „Ток Тајмс“.

Во последната емисија, принцот Хари зборуваше и за своите искуства, пред се за смртта на неговата мајка, принцезата Дајана, но и за младешките денови полни со пороци.

Слични содржини