Од денеска Ивермектин легално ќе се продава во аптеките во Македонија. Лекот ќе чини околу 300 денари и ќе се издава само со рецепт од матичен или специјалист.
Од МАЛМЕД апелираа до граѓаните да не се нафаќаат на лекување на своја рака и да не прават залихи дома.
-Студиите покажаа дека Ивермектинот се дава на три групи граѓани и тоа, кај ризичните групи на работници, кои имаат висок ризик да заболат, потоа на луѓе, кои биле во контакт со заболен и на заболени пациенти. И кај трите групи има различни индикации, различно дозирање и затоа е потребно давањето на лекот да биде под контрола на лекар, изјави министерот за здравство, Венко Филипче минатата недела.
Пулмологот, Докиќ вели дека лекот делува и во подоцнежниот развој на коронавирусот
-Тој може да се употреби превентивно на пример за лицата кои се дирекно изложен со заразата здравствените рабоници, војниците дозата е 0,2 милиграми на килограм телесна тежина еднаш неделно, второ сценарио ако имате контакт со заразено лице лекот се зима 0,2 милиграми на килограм телесна тежина на секои 72 часа. И кога ќе се заразите тој делува и во подоцнежниот развој на болеста и се зима едно по друго како дозата што ја напоменав, вели Докиќ.
Вкупната бројка на ковид дијагностицирани во нашата земја од почетокот на епидемијата изнесува 86597, бројката на оздравени пациенти е 67992, на починати е 2635, а бројот на активни случаи изнесува 15970.