Италијанската мафија ги понудила своите услуги на напаѓачот на Торино Макси Лопез. Претставници на организацијата му предложија на поранешниот аргентински репрезентативец да му скрши нозете на Мауро Икарди, кој ја украл жената на Лопез.
Поранешниот фудбалер на Барселона беше оженет за Ванда Нара во периодот 2008-13 година и двајцата имаат три сина. На крајот на 2013 година Нара се раздели со Макси Лопез и започна врска со Икарди и малку потоа се омажи за него.
Излезе дека Ванда Нара го изневерувала Лопез уште за време на нивниот брак. Целата љубовна приказна се развила во периодот во кој Макси Лопез и Мауро Икарди беа соиграчи во Сампдорија и добри пријатели.
Потоа односите меѓу двајцата аргентински фудбалери преминаа во целосно спротивни димензии. Лопез дури одбива да се поздрави со Икарди пред натпреварите во Серија “А”, во кои двајцата излегуваат еден против друг.
Сепак според информациите на италијанските медиуми Макси Лопез го одбил предлогот на претставниците на мафијата да ги скршат нозете на напаѓачот на Интер. За секој случај мафијаши оставиле визитки на напаќот на Торино, ако Лопез се пишмани во врска со нивниот предлог.