Прекрасната Магдалена Богиќ настапи втора во суперфиналето на „Икс Фактор“ веднаш по отворањето на натпреварувачкиот дел од страна на нашиот Боби Мојсовски, но изгледа емоциите ја совладаа па го заборави текстот на почетокот на првата песна.

Таа настапи со микс од ”Read all about it” на Емили Санде и хитот ”We found love” на Ријана, но и покрај кратките две паузи за време на првата половина од настапот успеа да се врати во контрола и втората песна ја изведе без да се забележи било каква трема.

На 17 годишната Магдалена жирито ѝ порача дека треба да се гордее со себе бидејќи се справила со грешката како професионалец и навистина заслужува да биде дел од големото суперфиналето.

Потоа Магдалена изјави во бекстејџот дека всушност на почетокот не ја слушала матрицата на слушалката, и потоа и го заборавила текстот, но на крајот успеа да се претстави себе си во вистинско светло.

По неа настапија „Најн Контрол“ изведувајќи ја песната „Девојко мала“ сосема достоинствено оддавајќи му чест на неодамна починатиот актер Властимир Џузи Стојилкович.