Говорејќи за тензиите во Источен Медитеран, францускиот претседател Емануел Макрон рече дека треба повторно да се отвори одговорен дијалог, пренесува агенцијата Анадолија.
Макрон испрати порака преку својот официјален профил на Твитер на француски, а потоа и на турски јазик, во врска со ситуацијата во источниот Медитеран.
„Во Ајачио испративме јасна порака до Турција. Со добра волја, без наивност, повторно ќе отвориме одговорен дијалог. Овој повик е и повик од Европскиот парламент. Се чини дека е слушнат. Продолжуваме“, рече Макрон.
Ajaccio'da, Türkiye'ye net bir mesaj gönderdik: iyi niyetli, naiflik olmaksızın sorumlu bir diyaloğu yeniden açalım. Bu çağrı bundan böyle Avrupa Parlamentosu’nun da çağrısı. Görünüşe göre de işitilmiş. İlerleyelim.
— Emmanuel Macron (@EmmanuelMacron) September 19, 2020
Изјавата на Макрон доаѓа во време кога тензиите меѓу Турција и Грција се на својот врв во врска со истражувањето на наоѓалиштата на гас во Средоземното Море, на кои имаат право и Турција и Грција, објави Хина