Матиќ: Од средината на месецот, Србите ќе можат да патуваат во Грција, а од 14. мај преку С.Македонија

Српските граѓани ќе можат под одредени услови да патуваат во Грција од 14. мај преку С.Македонија, а од средината на април и преку Бугарија, но со потврда за вакцинација или ПЦР тест, истакна денес српската министерка за трговија, туризам и телекомуникации, Татјана Матиќ.

Матиќ, гостуваше на белградската кабелска ТВ К1, и во тамошното интервју изјави дека се работи на тоа, оние што патуваат на море, да можат преку туристичките агенции да аплицираат за вакцинација.

Српските граѓани ќе можат да патуваат и во Хрватска и Турција, а кога станува збор за таканаречениот вакцина туризам во Србија поради големиот број странци кои доаѓаат, Матиќ се надева дека овие лица дополнително ќе го мотивираат локалното население да се вакцинира.