Познатата пејачка Бритни Спирс долги години беше под контрола на нејзиниот татко. Нејзиниот имот, пари, одлуки за настапи, социјалните мрежи, сè беше под негова контрола. Бритни го тужеше својот татко и делумно успеа, на задоволство на обожавателите, повторно да управува со својот живот.
Оттогаш таа е многу активна на социјалната мрежа Инстаграм каде често зборува за своите проблеми и грижи, но и со разни фотографии не враќа во минатото, кога беше на врвот на кариерата.
Бритни сега решила да сподели видео на кое танцува, а во описот раскажала за непријатното искуство кое го доживеала со папараците, но и со личниот тренер кој сакала да го ангажира.
„Пред два месеца сакав да ангажирам тренер и првото нешто што таа го направи, не ве лажам, ме штипна за стомакот и нозете и рече дека морам да го вратам телото кое го имав во младоста. Зошто го направи тоа? Тоа ме расплака. Секако дека не ја вработив, а почнав да тренирам самата“, напишала пејачката и додала дека вежба три пати неделно, иако не ѝ се допаѓа, но сега не ѝ се допаѓа како изгледа на сликите од папараците и сака да ја поправи сликата која ја праќа за себе во јавноста.