31
Заменик-претседателот на рускиот Совет за безбедност Дмитриј Медведев оцени дека самитот меѓу рускиот претседател Владимир Путин и американскиот претседател Доналд Трамп во Алјаска покажал можност за продолжување на дијалогот меѓу Москва и Вашингтон без предуслови и без понатамошно влошување на односите.
Во порака објавена на Телеграм, Медведев изјави дека за време на речиси тричасовните разговори, Трамп одбил да го зголеми притисокот врз Русија околу конфликтот во Украина, „барем засега“, објави ТАСС.
„Вратен е целосен механизам за средби меѓу Русија и САД на највисоко ниво. Мирно, без ултиматуми и закани“, рече Медведев.