На Самуел Ето му се закануваат 10 години затвор во Шпанија! Со оваа вест излезе спектакуларно шпанското издание “El Pais”.
Поранешниот напаѓач на Барселона е обвинет за даночни измами, со кои ја лишил шпанската држава со над 3 милиони фунти. Тоа се случило меѓу 2006 и 2009 година, кога Ето играше на “Камп Ноу”.
“El Pais” открива дека 35-годишниот Камерунецот, кој во моментов игра за Анталијаспор избегнал плаќање даноци преку комплексна и незаконска шема за своите имиџ права.
Ето имал две компании, една во Шпанија и една во Унгарија, што му е дозволувало да ги пренесе своите права и да не плаќа даноци. Покрај тоа Ето е обвинет затоа што е прибира огромни суми од Пума без да плаќа даноци за нив. Средствата кои Ето ги добивал од германскиот концерн се помеѓу 1,5 и 3 милиони евра по сезона. Очекувањата се Ето да се раздели и со крупна сума од 14 милиони евра.
Слични истраги доведоа до откритија за даночни измами и на други играчи на Барселона во лицето на ЕЗ Меси и Хавиер Маскерано. Тие сепак останаа само со парични казни. Такви се очекувањата и во случајот на Ето, но случајот на Камерунецот е и најтежок, па не е јасно што ќе се случи.