Групата Металика објави дека нивниот 12-ти студиски албум ќе биде достапен од 14 април 2023 година преку сопствениот Blackened Recordings и ќе биде насловен „72 Seasons“.
Овој албум го продуцираше Грег Фиделман заедно со основачите на бендот Џејмс Хетфилд и Ларс Улрих, а ќе содржи 12 песни кои вкупно ќе траат повеќе од 77 минути, пишува „Варајети“.
Ова ќе биде нивниот прв албум по „Hardwired…To Self-Destruct“ од 2016 година.
Бендот на својот официјален канал ја објави и песната „Luk Æterna“, која ќе се најде на нивниот нов албум, а која многу потсетува на песните кои ги снимиле на почетокот на кариерата. Покрај тоа, тие најавија и серија концерти во 2023 и 2024 година.
Настапи ќе се одржат во САД, Канада, Мексико, Амстердам, Хамбург, Копенхаген, Мадрид, Хелсинки, Варшава, Гетеборг, Минхен и Париз.
Ова е листата на песни кои ќе се најдат на албумот „72 Seasons“:
2 Seasons
Shadows Follow
Screaming Suicide
Sleepwalk My Life Away
You Must Burn!
Lux Æterna
Crown of Barbed Wire
Chasing Light
If Darkness Had a Son
Too Far Gone?
Room of Mirrors
Inamorata