Не сум класичен политичар, мотивот ми е да покажам дека градоначалникот не треба толку да е политичар, колку што треба да е заштитник на градот и граѓаните. Куманово не треба да биде бастион на ниедна политичка партија, треба да е бастион на сите, тоа ми е мотивацијата, вели актерот Тони Михајловски, кандидат за градоначалник на Куманово на ВМРО-ДПМНЕ во Студио 10 на ТВ24.
-Не може во канцеларија во Скопје да се направи програмата за Куманово, имам максимална слобода, со граѓаните во директен контакт ги добивам идеите. Поинаку ја смислимве постата на граѓаните.Се враќам дома (во Куманово), има 130.000 жители, 1988 година дојдов да студирам во Скопје. Злите усти кои сега се отвораат дека не сум кумановец и дека не живеам во Куманово – јас постојано сум таму. Куманово е преполно со диви депонии, има сообраќааен метеж, нема еден парк, нема ГУП 20 години, се градело без парк. Нема нови школи. Нема ниту една катна гаража, вели Михајловски.