Илјадници приврзаници на опозицијата се собраа денеска во центарот на Минск на нов протестен марш, од кој бараат заминување од власта на претседателот на Белорусија, Александар Лукашенко. Протестот беше организиран еден ден откако илјадници жени учествуваа на маршот со барање за оставка на Лукашенко.
Облечени во бело-црвено, како и на претходните протести, демонстрантите се упатија кон претседателската палата, резиденцијата на Лукашенко, попладнето.
Minsk now. Military equipment and armored vehicles everywhere. Internet is disrupted. Metro trains do not stop in the city center. pic.twitter.com/TfV7xmvQRU
— Franak Viačorka (@franakviacorka) September 20, 2020
Тие вееја големи црвено-бели знамиња и викаа „Метла“ и „Крај на играта“, додека некои удираа во тапаните, пренесе агенцијата Франс прес.
Некои пароли беа упатени до рускиот претседател Владимир Путин, кој го поддржува Лукашенко.
„Путин, извади ја вилушката од белорускиот компир“, извикуваа тие.
Belarusians are marching today for Freedom and Justice. Thousands gathered in Minsk downtown. pic.twitter.com/1ogKgN0gI1
— Franak Viačorka (@franakviacorka) September 20, 2020
За тоа време, припадниците на безбедносните сили формираа ланец околу резиденцијата на Лукашенко во центарот на градот и го зголемија своето присуство во пресрет на почетокот на протестот на опозицијата.
Оклопни воени возила излегоа на улиците во Минск, а во центарот беа поставени бодликави жици пред протестниот марш.
Опозиционите активисти објавија фотографии и видеа од конвој воени возила кои се движеа кон центарот на градот пред демонстрациите.
Brest, Belarus. The riot police have started using gas and brutally detaining peaceful protesters. pic.twitter.com/0IruV5OukL
— Franak Viačorka (@franakviacorka) September 20, 2020
Оклопни возила и противпожарни возила со водени топови се наоѓаат и пред зградата Минск-Експо.
Сообраќајот во тој дел од градот засега се одвива нормално, а како претпазливост се затворени шест метро-станици во центарот. Сепак, тоа не спречи илјадници луѓе да се упатат кон центарот на градот и да им се придружат на демонстрантите.
Демонстрантите најавија марш до Врховниот суд на Белорусија, каде ќе носат постери со, како што рекоа, „имиња на кандидати за народниот суд“, вклучително и припадници на безбедносните сили кои учествуваа во насилното сузбивање на демонстрациите.
Претходно денес, пред почетокот на прошетката кон претседателската палата, полицијата се обиде да го скрши протестот и уапси неколку демонстранти за учество во неовластен протест, објави белоруското Министерство за внатрешни работи.