Претседателот на Европскиот совет Шарл Мишел повика денес на итно ослободување на опозицискиот лидер Алексеј Навални откако беше приведен по враќањето од Германија во Русија.
„Апсењето на Навални по неговото пристигнување во Москва е неприфатливо“, рече Мишел.
The detainment of Alexey #Navalny upon arrival in Moscow is unacceptable.
I call on Russian authorities to immediately release him.
— Charles Michel (@eucopresident) January 17, 2021
Тој ги повика руските власти веднаш да го ослободат Навални.
Рускиот опозициски лидер беше приведен вечерва на московскиот аеродром Шереметјево на пасошка контрола по враќањето во Русија од Германија, каде се лекуваше за наводно труење, објавија од Федералната казнено-поправна служба и неговиот адвокат, а исто така потврдија и очевидци.
Навални беше приведен кога го покажа својот пасош на полицијата за време на контролата пред официјалното влегување во Русија.
На неговата сопруга Јулија, неговиот портпарол и адвокат им беше дозволено да влезат во Русија.