Водителот на најслушаниот поткаст во светот, Џо Роган, оваа недела сугерираше дека американскиот претседател во заминување Џозеф Бајден всушност сакал да победи неговиот наследник во Белата куќа Доналд Трамп, откако неговата партија „го принуди“ да се откаже од претседателската трка во јули.
Насмеаното лице на Бајден за време на неговиот состанок со Трамп во Белата куќа во средата поттикна шпекулации дека актуелниот претседател бил премногу среќен што му ја предаде командата на Трамп наместо на неговиот потпретседател, Камала Харис, пишува Fox News.
„Знаете што беше една од моите омилени работи во целиот изборен циклус? Вчера кога Бајден и Трамп седеа во Белата куќа“, рече Роган. „Бајден гласаше за Трамп. Јас го гарантирам тоа. Апсолутно гарантирам. Никогаш не сум го видел тој човек толку среќен во својот живот, тој беше среќен“, рече Роган.
Тој потоа го спореди тој прием со начинот на кој поранешниот претседател Барак Обама го поздрави Трамп по неговата прва победа во 2016 година, тврдејќи дека Обама тогаш изгледал огорчен.
Кога беше прикажана фотографија од Бајден како се смее покрај Трамп, Роган веднаш почна да се смее:
„Види, погледни го Бајден! Погледнете ја неговата е*ана насмевка, човеку! Тоа е како кога вашето дете ќе се ожени“, рече влијателниот поткастер, кој јавно го поддржа Трамп пред изборите.
„Ви гарантирам, ви гарантирам дека беше среќен. Имаше џиновска насмевка на лицето. Тој рече: „Добредојдовте назад“, се пошегува тој.