Сведоци сме на проблематизирање на техничката влада, пред се на избор на професионалното решение за МВР. Тоа е системот кој отфрла професионалци, рече лидерот на опозициската ВМРО-ДПМНЕ, Христијан Мицкоски.
Фото: Борче Поповски
Тој вели дека премиерот Зоран Заев и вицепремиерот Оливер Спасовски се ставиле во улога на Уставен суд, но и дека нивното однесување потврдувало дека власта била замешана во судовите во земјата.
,,Во Уставот немаме категорија технички министер или техничка влада. Заев и Спасовски се против професионализација, но не се против партизација. Во Законот за МВР вели дека работник во Министерството не смее да биде претставник на партијата. Спасовски е потпретседател на СДСМ, но тоа не им пречеше”, рече Мицкоски.
Лидерот на опозицијата кажа дека е потребно одговорно однесување, па затоа тој немало да дозволи да се избега од избори.
,,Отпорот на Заев кон кандидатот е неправда, но најголема неправда би била да се избега од избори. Ќе предложам нов кандидат за МВР денеска. Повторно станува збор за професионалец. Чекам на консултации со Заев и Ахмети”, рече Мицкоски.
Тој кажа дека се обидел да разговара со премиерот, но дека чека тој да се врати од патувањето и нагласи дека кандидатот повторно не е партиски член.
A.T.