Морисеј пушта нов студиски албум во ноември

Британскиот пејач и поранешен лидер на групата “Смитс” (The Smiths) Морисеј сними 11 студиски албум, објави  NME. Тој го носи името Low In High-School и премиерата ќе биде на 17 ноември од издавачка куќа BMG.

Дискот е снимен во студиото La Fabrique Studios во Франција и во Forum Studios во Рим, кое е сопственост на Енио Мориконе.

Во сопствената дискографија на Морисеј има 10 студиски албуми. Последниот – World Peace is None of Your Business – излезе во 2014 година. Музичарот е дел од групата “Смитс” од 1982 до 1987 година.