На последниот работен ден, вработен во Твитер го деактивираше налогот на Трамп

   Вработен во Твитер  вчера направи шега, во последниот негов работен ден во американската компанија, деактивирајќи го налогот на американскиот претседател Доналд Трамп.

Во траење од 11 минути, посетителите на налогот @realDonaldTrump, кој има 41,7 милиони следбеници беа пресретнати со соопштението – За жал таа страница не постои.

Налогот на Трамп подоцна беше обновен. Првично компанијата соопшти дека станва збор за човечка грешка и дека деактивирањето е направено од невнимание, но подоцна беше соопштено дека е дело на нивни вработен кој ја напуштал компанијата.