Над 179 милиони луѓе се заразија со корона, 3,8 милиони ја загубија битката со вирусот

Бројот на заразени со коронавирусот во светот денес надмина 179 милиони, покажуваат податоците на веб-страницата „worldometers.info“.

Досега 163,5 милиони луѓе официјално се опоравија, а 3,8 милиони починаа.

Во светот има 11,6 милиони активни случаи, од кои нешто повеќе од 11,5 милиони се во лесна или умерена состојба, а скоро 83.000 се во критична состојба.

Најмногу смртни случаи има САД, со повеќе од 600.000 жртви, а од синоќа Бразил ја надмина бројката од половина милион починати.

Според бројот на пациенти, Соединетите држави се на прво место со 34,4 милиони заразени од почетокот на пандемијата, Индија е на второ место со 29,88 милиони, а Бразил е на третото место со 17,88 милиони.