Најмалку 49 повредени во инцидент со балони во Кападокија

Во инцидент на три балона со топол воздух во регионот на Кападокија, во централна Турција, денеска се повредени 49 лица, јави турската телевизија НТВ.

Балоните принудно се приземјиле поради силниот ветер.

Повеќето настрадани биле корејски туристи, посочува НТВ, додека лондонски медиуми наведуваат дека повеќето биле туристи од Европа и од Кина. Во регионот се испратени поголем број возила на брзата помош и спасувачки екипи